蘇韻姿直認離開《愛﹒回家》是迷惘期 感激粉絲陪伴走出低谷 累父母擔心感內疚

早前簽約加盟新公司的蘇韻姿，日前與粉絲聚會預祝生日，並宣布成立Fans Club並命名為「姿心批」，期間已兩年未有跟Fans聚會的蘇韻姿表現親民。

除了跟粉絲逐一互相認識，又與粉絲玩遊戲及影相留念，她直言感謝粉絲們對她的不離不棄，透露不少粉絲陪伴她走過人生低谷，令她重新振作，再戰演藝界。

粉絲鼓勵開live多傾偈

蘇韻姿直言很喜歡跟粉絲們互動，感激他們給予愛與力量：「如果講我人生低潮期，一定系離開《愛﹒回家之開心速遞》，當時好迷惘，因為入行6年以來都系做同一套劇、同一個角色，到離開左自己熟悉嘅工作模式時，有其他監製搵我拍節目，發現自己原來系乜都唔識，好彩呢段時候好多Fans不停留言支持我，又叫我開live同佢的傾偈，鼓勵我嘗試多啲唔同嘅野，所以嗰時我就去嘗試音樂劇。」

成立Fans Club命名「姿心批」

雖然低谷已過，但蘇韻姿內心仍愧對粉絲及家人，她表示：「好想工作上做啲成績畀佢的睇，例如做啲重要角色或主角，回饋佢的；有時自己會覺得好內疚、覺得嚟香港發展系咪一個好任性嘅抉擇呢？爸爸、媽媽喺加拿大病，我又照顧唔到佢，仲要佢的擔心我喺香港生活。」

提到成立Fans Club並命名為「姿心批」一事，蘇韻姿笑言覺得這個名字很有趣：「其實有好多粉絲，都喺我做處境劇時開始支持我，有啲Fans仲會場場嚟睇我做舞台劇，又會著住特製T恤嚟睇我做騷。」