電視城多人確診TVB所有劇組全面停工

TVB電視城爆出新疫圈，除先後有多位員工確診外，今日（24日）再有藝員周嘉洛證實初步確診、新劇《法言人》有幕後員工確診。

據知，有見現時多位台前幕後均中招，TVB所有劇組將全面停工，由今日開始到星期一（28日），當中包括曾有人確診嘅《隱門》、《法言人》及《回歸》、《曙光》，加埋每日開工嘅《愛．回家之開心速遞》、《破毒強人》。

稍後，TVB亦發出新聞稿，宣布停工消息：「本台今（24日）接獲通知，收到幾位職藝員同事通知發現初步確診，為保障職藝員同事安全及避免社區交叉傳播，本台已即時停止所有戲劇組錄影廠及外景拍攝工作，相關拍攝地方實時進行徹底消毒、深層清潔，以確保在絕對安全情況下才恢復拍攝。公司將繼續與衛生防護中心作出緊密聯繫，全面配合中心的防疫指引及安排。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

對於TVB停廠，正拍新劇《破毒強人》的張曦雯說：「停廠對我冇影響，因為我尋晚啱啱開完外景，之後呢個禮拜都冇廠景。不過，我當然要會小心防疫，因為之前病過唔想再病，同埋中過都唔代表唔會再惹到，所以一定要做好防疫措施。」

而曹永廉則說：「冇影響，都冇擔心，公司有佢安全做法，跟公司做。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

《法言人》幕後中招急停工錄影廠化妝間全面消毒

TVB電視城疑爆出新疫圈，今日（24日）就有藝員周嘉洛初步確診消息，佢開緊工嘅《回歸》、《曙光》已立即停工，現再爆出新劇《法言人》有幕後員工確診，全劇組今日通告暫停，所有演員均要去做檢測。而無綫已安排藝人化妝間、多個錄影廠等進行大消毒及清潔。

據知視後兼女主角林夏薇已即時去做檢測，正等候報告出爐。東網亦聯絡上馬國明，佢指自己已做快測：「都即刻做咗快速測試，冇事，呢個時期大家都要小心啲，依家等緊公司安排。」

而同劇嘅張穎康就表示自己2月10日拍攝完，就未有再同劇組開工，不過佢自己都有做檢測：「好彩系我呢段時間入面唔使開工，之後再睇公司安排點樣拍埋剩低啲鏡頭。（自己）小朋友當然擔心啦，都冇乜出過街，都儘量留喺屋企，保持衛生，依家都唔知可以做啲乜嘢。」

林夏薇對於停廠至下周一，她說：「一定會打亂計劃，都冇辦法，抗疫第一，大家保重身體！同埋都會再驗核酸。」同樣有份拍《法》劇的何依婷則說：「收到公司通知，最近我都冇開廠。不過，為安心我有每2日系屋企做檢測。」