TVB藝員疫潮！周嘉洛初步確診Ronny爆料後即封口

TVB電視城再爆疫情恐慌，繼月初開始有多位幕後職員初步確診後，「聲夢學員」潘靜文上周於《勁歌》錄影前作快速測試時初步確診，估唔到疫圈已經殺入劇組，有消息指藝員周嘉洛證實初步確診！

現正為劇集《回歸》、《曙光》開工嘅周嘉洛，每日都投入拍攝工作，尋日（23日）同樣為《回》開工嘅好友吳偉豪，曬出周嘉洛現身化妝間Set頭嘅片段。

見到周嘉洛成個人頭耷耷現病態，冇曬精神，疑似已經出現病徵。

加上另一好友「風少」陳浚霆亦為周嘉洛及吳偉豪送上藥水及連花清瘟膠囊，未知系咪見到好友病病哋，所以贈送藥物。

據知TVB現已暫停所有錄影廠景，藝人化妝間、多個錄影廠亦已進行大消毒及清潔，亦叫所有台前幕後工作人員都接受快速檢測，以策安全。

而喺傳出周嘉洛確診消息前，藝人Ronny（黎澤恩）就已經喺社交網爆料，指同劇「有一位藝員確診了」，並指對方本身已經有病徵，佢自己都有同過對方交流，因此佢都急急腳去做檢測。不過當東網向Ronny查詢確診者是誰時，佢就即封口唔講，佢自己就Check咗冇事，而事後佢亦極速Del Post。

至於同劇嘅女主角陳煒亦甫出快速檢測包結果，顯示為冇感染，又留言：「膽戰心驚的一天」，更加落實周嘉洛初步確診消息。東網致電陳煒詢問，佢指周嘉洛系快速測試確診，今日應該會去做正式檢測：「一切都會等佢嘅檢測結果，有需要都會配合再做測試。暫時都Touchwood冇確診，都希望會冇事喇！」而同劇嘅馬貫東尋晚亦做足兩次快速檢測，均顯示未有確診。

周嘉洛同樣有份參與拍攝嘅處境劇《愛．回家之開心速遞》未知系咪繼續開工，見周嘉洛「媽咪」滕麗名曬出自拍照。

她留言指「一班《愛回家》嘅演員及台前幕後工作人員喺疫情嘅高峰期，依然無怨無悔日夜工作，呢個時間為嘅當然唔系搵錢……系使命感……請懂得欣賞我們全體員工的努力我們的堅持。」似乎未受周嘉洛確診影響。

而在TVB劇集《回歸》、《曙光》與周嘉洛飾演父子嘅郭晉安，對於嘉洛「中招」，郭晉安表示：「一個星期前同嘉洛拍過戲，其實拍呢套戲以嚟，自己每朝都會做一次檢測，因為屋企有小朋友，所以呢啲錢唔慳得，我哋嘅職業系要除咗口罩開工，所以每日都做檢測，萬一發現有菌，都嚟得切隔離，希望嘉洛冇事啦。」安仔又贊公司停止所有戲劇組拍攝進行清潔、消毒，反應相當迅速。