有苦自己知！TVB视帝自爆被拖欠百万薪资

雪上加霜︱陈展鹏被拖百万街数：1蚊都未收到！

TVB剧组复工日子一延再延，艺人揾银机会少得可怜，不少家庭在经济、情绪上都已跌至“谷底”，甚至去到手停口停的境况。视帝陈展鹏虽然暂时顶得住，但原来他惨遭外面公司“拖数”高达7位数字，坦言：“一蚊都唔出真系好难搞！”

现时香港疫情持续严峻，最新消息指TVB剧组开工日子要一再延后，暂时内地又未通关，多位已入剧组的艺人“困兽斗”斋坐，很多变相今年只拍到一剧，入不敷支，非常“闭翳”。现时剧组已停工超过一周，原本表示会停工至本月7日，但疫情持续恶化，最快要本月20日后视乎情况才知可否开工。

不少艺人现时“零工作”，连TVB视帝陈展鹏亦暗藏隐忧，虽然近年他一剧接一剧，表面风光，但身为家庭经济支柱，他可谓有苦自己知，据知他去年与外面公司有一些合作计划，但至今对方仍未付钱，涉及金额更高达7位数字之多。

展鹏受访时不讳言：“自己仲顶得住，但希望上年做咗啲嘢可以快啲出粮，一蚊都唔出真系好难搞。每一家都要供楼、养妻活儿，之前有啲合作单位，唔好系咁拖落去喇，出住少少都好过冇，学费、屋租都仲要畀。”

问到是否遭拖数时，他说：“个job系同事介绍，一齐合作做慨。（嗰间公司都唔掂？）间公司仲扩充紧，嘢就做咗，但一蚊都未收到，依家都仲交涉紧，希望快啲出到。疫情期间大家都唔想停，都知各有各艰难，自己较幸运，喺一间大公司工作，我见好多人系出日薪，一日冇工开真系冇饭开，好惨！”

展鹏坦言有阵子看新闻看到喊，希望快些可以挨完这个疫情，问会否等通关即到内地发展吸金，他说：“都可以，但系一上一落隔离时间都好长，唔通因为一、两个job就离开屋企几个月咩？宁愿唔走，留喺屋企陪屋企人，所以大家要团结一致，击退疫情，咁就有曙光喇！”

张达伦：可能迟啲要食软饭

至于现时正为无线剧集《法言人》开工的张达伦同样等复工，问他经济上会否难以维持，他说：“暂时对我嚟讲都影响唔大，因为依家都系一年拍一套TVB剧，之前拍咗啲电影同广告，暂时顶得住，但系呢个第5波（疫情）真系惊惊哋，好多嘢停晒，可能迟啲要‘食软饭’啰！（太太有做嘢？）都有慨！要睇之后点样，希望OK啦！反而依家最辛苦系所有模式都一样，陪仔、同阿仔上Zoom，落超市买嘢，每日慨嘢都同一模式咁做，有时连食维他命都唔记得，画面好似食咗，但其实系未。”

而入了剧组《破毒强人》等复拍的曹永廉承认大受疫情影响：“我由2019年影响到依家，我耐唔中有剧拍又走唔到，上上落落隔离都要时间啦！所以开始有啲担心，咁你问我系唔系开唔到饭呢？又唔系，但都要为将来谂，成年困喺度好大镬。（依家又延迟复工，之前接咗啲内地工作有冇影响？）我都冇办法，之前倾咗个代言工作，希望可以延到期。拍完（剧集）我都一定要上去睇吓，香港睇唔到前景，揾食真系要北上。咁TVB我都有人工慨，但对我嚟讲未必足够，要靠其他好多来源，要铺定路，唔可以坐以待毙，依家每一个人都有影响，唔系净系娱乐圈。”

同陈展鹏一样惨！姚子羚疫下6位数酬劳仲未收到

艺人姚子羚今日（6日）到九龙湾出席活动，悉心打扮的她戴上两个口罩开工，相当谨慎。她笑言自己神经过敏：“以为自己发烧，就攞个探热计出嚟，但根本体温正常！依家都唔敢放狗，有成个礼拜冇同佢出街，训练佢喺屋企去洗手间。”

她坦然因疫情险峻而取消或押后不少工作：“都话唔到畀你听几时复工。（少咗好多收入？）系呀，好彩有啲积蓄。（有冇好似陈展鹏咁收唔番啲酬劳？）都有㗎，情形同佢差唔多，不过冇佢牵涉咁多钱，我就大约6位数。希望双方可以坐低倾吓。（咩工作嚟？）保健产品，写明某个时间就要搞掂（付款），都希望可以用和平慨方法解决。”

未完待续,请点击[下一页]继续阅读