趁林正峰宣布單身拍拖斷正？游嘉欣死口唔認

TVB小花游嘉欣與林正峰多次合作，更分別多次於劇集《香港愛情故事》、《青年心城之撐起青春》及《青春不要臉》中飾演情侶，去年還爆出二人「撻著」的消息。

其實林正峰一直都有位拍拖3年的女友Yuki，二人不時於社交平台放閃，當他與嘉欣被拍得車廂密會，爆出緋聞時，林正峰即向女友派定心丸，上載手拖手相片，高調宣布拍拖3周年，以此闢謠，當時嘉欣都有「配合」留言:「sweet sweet！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

剛播畢的TVB劇集《青春不要臉》再墜愛河。

嘉欣演霸氣女強人，正峰則演喜歡認叻的男仔，二人於機緣巧合下相愛，惟之後因處事方針不同經常有衝突。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

日前嘉欣接受東網訪問，透露與正峰3年來不斷合作，私底下亦非常老友，所以演情侶亦毋須彩排：「我哋連緋聞都傳過，都一段時間，證明唔系真啦！不過大家真系好有默契，連企位都唔使爭，我一定企左邊，佢就企右邊，好自然嘅，佢可以話系我近年嘅最佳拍檔。

（你私底下都好強勢？）某啲時候啦！特別系同林正峰對某啲位，各自各都好堅持，令到拍攝時好有火花，因為平時我哋都系咁相處，好多時大家似就嚟嗌交，但又未到吵大鑊階段咁囉！」

不過，縱使二人多次表示只是好朋友關係，但嘉欣與林正峰似乎關係「分不開」，更被發現齊齊去「蜜游」。二人早前為劇集《回歸》、《曙光》拍攝，齊齊染疫「中招」，之後隔離休息，幾日前已康復的他們即出關，更分別於社交平台上載了到大澳郊遊的照片。

先是嘉欣Post相併留言：「大澳一日游，好似去咗個小旅行咁！」之後林正峰亦出PO，曬單人相留言：「終於可以抖嚇氣，感覺好似已經去咗個旅行咁！好滿足！」二人同聲同氣甚有默契。

現時再傳出緋聞，林正峰又被發現於社交平台已刪走了與女友Yuki的合照，更透露回復單身，游嘉欣被問到是否與林正峰拍拖旅行時，她謂：「唔會啦！因為大家都想出街影嚇相，咁啱呢輪大家都放假夾到時間，咪出去囉！其實真系冇咩特別，只系正常朋友活動，影到靚相就Post。」

問到林正峰是否有意追求她時，她又謂：「識我哋嘅都知我哋真系friend，friend到好難會發展，作為朋友都系祝福佢之後搵到幸福啦！」