恭喜恭喜！香港知名男歌手今日大婚

疫下婚礼执树枝！吴浩康眼浅同郭思琳喊埋一份

吴浩康（Deep）与郭思琳（Margiela）今日（15日）举行小型婚礼，于下午进行注册仪式，婚礼上当然少不了“爱的宣言”，Deep表示度了多个晚上：“都系围绕住多谢佢，多谢佢愿意嫁畀我、愿意同我一齐去经历我哋慨人生、愿意同我一齐去遮风挡雨。我哋各自对大家慨承诺，就留番畀我哋两夫妻啦，多谢大家慨祝福、多谢大家慨关心。”

Margiela则说：“佢同我结婚已经系一个承诺嚟㗎啦，所以佢唔使讲我已经收到晒。”准备婚礼期间，亦发生不少虾碌事，Deep说：“过程虽然好简单，但系虾碌嘢都多，因为依家啲速递、运输都受到影响，所以变咗我哋订咗好多装饰慨嘢其实都好多冇嚟，最后我哋系喺山边执树枝，去完成个装饰。”

由于疫情期间举行婚礼，所以未能邀请太多亲友出席，Deep表示一定会补办婚宴：“之后一定会补摆婚礼慨，但我哋想注册先，所以今次唔好意思，请唔到好多慨朋友嚟，亦都招呼唔到各位慨传媒朋友，所以多多见谅。”

正式注册时，Deep跟Margiela更是喊唔停，Deep谓：“注册好紧张，冇谂过咁紧张，都好多感动位，特别系我自己见到自己爸爸喺度，其实我都冇乜点停过喊。”

Margiela见Deep喊到收唔到声，自己都忍不住：“我冇谂过会喊得咁犀利，我一见到佢喊我又忍唔住喊，佢太眼浅啦，我成日要安抚佢。”提到疫情下举行婚礼，Deep坦言无论疫情与否，都是最难忘：“因为冇经验，虾碌百出，感谢太太慨包容，虽然冇一个十全十美慨婚礼，但亦都系疫情见证下慨一个完美婚礼。”

问到Margiela婚后第一课，她笑说要“见识”婚姻的恐怖：“我觉得有太多嘢要去学习，尤其是要学做一个好慨太太、好慨妈妈，同埋我同你慨相处啦，呢个系人生课题，太多嘢要学，因为我未经历，我都系啱啱新婚，所以我暂时觉得我哋慨相处系大前提，好多人都话结咗婚后系另一个境界，我都想快啲经历吓睇吓有几恐怖，哈哈。”

除了成为“人夫”， Deep亦快将成为爸爸，问到是仔定女，Deep表示要保持神秘感暂不透露，但仔女都钟意：“其实仔定女都会好钟意，因为自己都好期待。依家我哋两个都系专注喺第一个小朋友度先，因为都系第一次做爸爸妈妈，所以有好多嘢都未知，好多情况要兼顾啲乜嘢，所以我哋慨焦点都系喺呢个BB度先。”

Deep透露老板杨受成会送大利是给BB：“老板杨生话会封大利事畀我个BB，其实收到老板慨祝福已经好开心啦，因为老板真系睇住我成长，照顾咗我二十年，都系我半个爸爸，所以有自己咁尊敬慨人慨祝福，其实已经系好大慨礼物。”

问到畀太太多少分？Deep笑言刚学会新婚的第一课：“哗！畀太太几多分都唔够㖞，唔可以乱咁畀分，呢个系我啱啱新婚学识慨事，所以太太一定系超过满分㗎啦。”升为新婚“人夫”，Deep坦言心态要再重新调整自己，很多事情需要重新学习。