《金宵大廈2》下月終於播陳山聰李施嬅齊發功

TVB將於下月4日播映由藝人陳山聰、李施嬅擔演的《金宵大廈2》，緊接《飛虎3壯志英雄》播出，之前第一輯劇情緊湊又懸疑，掀起一股追劇潮。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

而第二輯同樣精彩，當中有10個單元故事，而其他參與拍攝的藝人包括湯洛雯、連詩雅、胡鴻鈞等等。

主角陳山聰及李施嬅收到消息後相當興奮，笑言足足等了2年，山聰更於社交平台上載二人的劇照，照片中的山聰坐於車頭蓋上，他發文寫道：「喂呀，坐喺度等咗耐喇！幾時出呀？」

跟住施嬅留言：「好似有人坐凹咗架車！」山聰答她：「你唔好咁話自己啦！」睇嚟佢兩個真系好鬼開心。

施嬅亦重Post當日與幾位「胡說八道會」好姊妹唱《金宵》主題曲的片段於社交平台，她寫道：「套劇無端端話出街，都反應不來，話時話，你哋4月4號得唔得閒呀？」

山聰接受東網訪問時坦言：「開心呀！我哋喺2020年時拍完，諗住舊年會出街，點知出唔到，依家終於可以播，我同施嬅跟《金宵》迷一樣，一樣咁期待，希望今次可以帶更多撲朔迷離、奇幻嘅感覺畀大家。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

「島大女神」變煮飯婆！葉茜文出動生蚝喂男友

第5波疫情下，不少市民都變成「自家廚神」，三餐靠自己煮飯仔「餐肚」，TVB藝員葉茜文（Sophie）日前到超市買餸煮飯，由處境劇《愛．回家之開心速遞》「島大女神」變成「煮飯婆」。

穿上短褲曬美腿的她推住手推車在超市入貨，買餸時女神變身精明師奶，攞起貨品比較價錢、新鮮程度，眼明手快買了肉類、蔬菜、魚、鮑魚及日用品，瞬間已裝滿手推車。

不過，Sophie仍意猶未盡，找來找去，原來有終極目標要購買生蚝，她與店員搭訕一番，了解生蚝行程，亦聽從推介掃了兩打生蚝，之後再買了西班牙火腿及紅酒，入齊貨準備好開餐。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

不過，去到付款時卻發生小插曲，Sophie又折返超市內取物品，擾攘一輪。

Sophie接受東網訪問被問到是否為屋企入貨「儲糧」，她說：「唔系，屋企都儲咗幾日糧，只系日常去買餸，同埋因為男友下星期生日，依家夜晚出唔到街食飯，所以趁唔使開工，買啲好嘢同佢預祝。」

講到付款時擾攘一番，原來是精明「師奶仔」上身，她笑說：「因為差少少先買夠有現金券送，所以要買多少少，哈哈。」