郭子豪買定戒指向鄧卓殷求婚愛的宣言肉麻到暈

現年30歲的TVB大隻仔郭子豪，與前港姐亞軍鄧卓殷拍拖2年，終修成正果，有意拉埋天窗，希望今年成事，近月子豪瘋狂為其主理網台接Job，積極搵「老婆本」，並且已買定戒指預備求婚！

卓殷日前亦於社交網曬出婚紗照「An Exciting Project is Coming」似講工作，但其實有弦外之音。為搵老婆本，郭子豪試過幾晚通宵冇瞓開工，為TVB開工仲曬到見頭暈要坐埋一邊回氣。

東網就此事致電子豪，他承認確有結婚打算，但都要先努力搵錢，至於系咪已買定戒指預備求婚，他說：「呢啲遲啲先同大家分享啦！」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

子豪指父母很喜歡鄧卓殷，女友亦很懂得凼他父母開心。至於自己最愛女友甚麼？子豪則大講肉麻宣言：「跟對方已是『共同體』，二合為一，不能分割，亦感激對方在我的創業路賦予無限量支持！」

他又表示近日有很多支出：「一個有承擔嘅男仔，拍拖咁耐都會朝住結婚方向諗。買戒指又系使費、求婚又系使費，作為有承擔嘅男人系要有啲計劃。」

鄧卓殷殺入片場男友郭子豪接吻變錫額頭

藝人郭子豪日前與前落選港姐余詠童拍攝微電影，原本二人有一場咀嘴戲，但子豪為免打翻女友鄧卓殷（Amber）的醋埕，加上女友在場「探班」，遂把咀戲變成錫額頭，錫到女友燶！

郭子豪與Amber拍拖2年，愛得如膠似漆，雖曾傳分手，都無損二人感情發展，恩愛如昔。去年曾有傳Amber因不想男友呷醋而辭演有咀戲的無綫劇《雙生陌生人》，原來子豪都同樣尊重女友。

向來工作認真的他，與方紹聰、何廣沛一齊搞網上頻道，拍攝不少網上節目，當中他演出不同角色都會全力以赴，扮女人、阿婆，甚至演騎呢角色都No Problem，但日前竟出現「改劇本」情況！

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他與參選港姐入行的余詠童拍攝微電影《當男人Long-D》時，因不想女友呷醋而改劇本，將一場咀嘴戲變為錫額頭，即使相擁戲都點到即止，而拍攝期間，Amber更全程監場！

「互相尊重嚟嘅」

記者就此事致電子豪，他表示：「其實呢次拍微電影好開心，因為我哋用咗好多方法去打動一位好有才華嘅導演嚟幫手，我哋非常欣賞佢，當佢傳份稿畀我，我已經覺得好正，可以即刻拍，而拍嗰日都非常順利，只系有個小插曲，就系擔心『咀嘴』呢場戲，我覺得唔系咁好，就改咗錫額頭算啦，因為要尊重番我『老細』，即系我女友。」

提到Amber監場是否令他大感壓力？他即說：「唔好話監場，佢不嬲都好支持我哋嘅拍攝，佢嚟睇嚇都好，唔使咁擔心，我拍嘅時候都開心啲，尊重嚟嘅。」