歌手鄭俊弘（Fred）、何雁詩（Stephanie）結婚1周年，今晚（7日）於酒店補擺喜宴，延開38席。一對新人傍晚會見記者受訪，更應要求錫錫，Stephanie穿上超Deep V婚紗，大曬湯碗胸，非常性感！

她笑說：「由我3號開始減肥，減咗4日，可能只系減咗1磅。」Fred笑說：「可能冇咗水腫。」對於太太著得性感誘人，他笑言有身材騷嚇Quali畀人睇都冇問題：「依家開放咗，佢仲有套紅色晚裝都拍得住呢套。」

刻意減磅的Stephanie目測身形依然好纖瘦，對於盛傳他們雙喜臨門，她笑說：「梗系唔系啦，多謝大家關心，暫時呢個階段都唔系嘅，但開始順其自然。」

她笑言要睇老公表現，她笑說：「造人幾時都得，唔使特登請假。（要計日子造人？）未去到咁深入，生BB嘅嘢隨緣。」

去年他們結婚之日，正是何雁詩父親70歲大壽，所以結婚派對順道為父親慶祝，今日同樣是她爸爸71歲生日，Fred笑言他們要搶外父風頭，Stephanie笑說：「舊年爹哋想大搞，但今年因為71歲，佢想低調啲，所以唔會有咩特別。」

今晚婚宴如同音樂會，自言會上台唱歌的他們，說相信好多朋友會爭住上台唱歌，如胡鴻鈞、吳業坤、譚嘉儀等，又指敬酒之後會有點唱環節，Stephanie衝口而出笑說：「好想阿Bob（林盛斌）上台去唱，好期待，佢行唔到路都要唱歌嘅。」

Stephanie的姊妹團包括蔡思貝、吳嘉禧（Cheronna）、賴慰玲，還有反串做「姊妹」的張子豐和羅天宇，而佗住BB的陳嘉寶未有現身，Stephanie說：「佢個肚好大嚇，唔想佢咁操勞，佢會嚟飲。」

正在忙於拍攝《法證先鋒V》的Fred，透露只向劇組請了2日假，而正修讀網上遙距製作課程的Stephanie表示下星期要考試，所以都要預備。

她表示會幫老公錄音，怎料Fred耍手擰頭笑說：「唔會，維持我哋婚姻唯一一樣就系唔好喺工作上合作，佢要求好奄尖，甩一粒音都要嘈，避免大家有衝突，暫時喺工作上唔好接觸住。」

他們坦言婚前已經同居，本以為結婚後分別不大，但發覺兩人在默契和緊密度比以前更甚，他們笑說：「依家我哋好sweet、互相扶持。」

談及婚宴流程，Stephanie透露，今日不設斟茶、交換戒指的儀式，但會有切蛋糕和合卺交杯的環節。Stephanie手上戴了訂婚和結婚兩隻戒指。

問結婚戒指有幾多卡，Stephanie則表示忘記了：「因為都成兩年前啦！我都唔記得，但都大嘅。」

Fred承認結婚戒指都要10多萬，Stephanie則認為心意最緊要：「唔緊要啦！幾多錢都係心意嚟啫！唔使睇得咁重要嘅！」

至於婚後有否努力「造人」，Stephanie稱一切順其自然，但不心急：「媒體心急過我媽，但睇Fred表演。」Fred笑言話會盡力。問老婆是否家中財政大臣，他們透露二人是財政獨立，「冇話管住曬嘅。」