罗天宇反串做姐妹！蔡思贝帮胡鸿钧伴舞？

歌手何雁诗与郑俊弘今晚（7日）于酒店补摆喜酒，罗天宇反串做姊妹，与视后蔡思贝等一同担任姊妹团，对于成员缺少了陈滢与陈嘉宝，思贝透露陈滢已从加拿大返港，不过正在隔离中，而怀孕中的嘉宝则会现身婚宴。

首任姊妹的天宇则表示去年于主人家结婚时，已想加入姊妹团，惟当时已超出人数。

他说：“旧年冇得做，不过都有帮手播吓音乐，所以今年就畀我加入，虽然都系多咗人，但证明努力系有回报。（第一次做姊妹觉得点？）觉得多嘢做过兄弟，好多细节位，每日几百个短讯。（会上台唱歌？）唔会，今晚流程都好Full，唱唔到。”

思贝同样表示不会献声：“要唱就交畀天宇唱，佢唱歌好听，我点歌就算。（绯闻男友胡鸿钧都嚟，到时你先上台唱？）我负责伴舞啦！（咁你有咩做，顶酒？）唔会，我都唔饮得。其实见证咗何雁诗2次‘结婚’，我学识点做一个Wedding Planner。（觉得结婚好麻烦？）今次都冇咩帮到手，因为要开工拍剧，好多会开唔到，但都唔担心，因为好多嘢上年都做咗。”

何雁诗摆酒︱蔡思贝伴舞胡鸿钧吓亲：要收番钱！

歌手胡鸿钧（Hubert）专程来饮何雁诗、郑俊弘喜酒，Hubert透露会在婚宴上唱歌，他笑说：“入行以嚟第一次唔收钱唱歌，因为同佢哋识咗好耐，所以唔讲钱，我同一对新人讲明下次结婚唔好再请我。”

Hubert坦言由《超级巨声》认识阿诗，两人识了10年，开心见证她步入人生新阶段，他说：“知道佢哋两个好多经历、高高低低，依家终于有个团圆结局，希望佢哋快啲有人生下一步（生小朋友）。”

讲到蔡思贝指今晚可以为他伴舞，他说：“吓！真系㗎？咁真系要收番钱㖞，收番何雁诗钱先得，安抚番我个心灵，咁惊吓！（你唔系应该开心，点解惊吓？）因为今日好多高层监制都喺度，阵间表演我要严阵以待，好似做嘢咁样，唔使畀呢个惊喜我㖞。（你好似好拒抗思贝？）唔系，唔系抗拒佢，我只系抗拒唔知慨情况啫。（你咁讲惊唔惊佢嬲？）唔惊，佢边有咁小器。”

余咏珊招募新人唔用旧将想同乐易玲再合作：真系求之不得啦

前无线（TVB）助理总经理余咏珊（Sandy）与前星梦娱乐首席执行官何哲图（Herman）今日到香港丽思卡尔顿酒店出席郑俊弘（Fred） 与何雁诗 （Stephanie） 结婚一周年晚宴。

余咏珊早前成立制作公司，与香港开电视合作，今日她接受访问时表示，两间公司正常合作，只不过在成立之初需要的内容比较多，未来会娱乐节目为主要方向。余咏珊认为现时竞争大，前东家TVB及ViuTV都好有竞争力：“其实依家竞争好大，而OPENTV都系啱啱开始，而VIUTV真系好强势，而TVB都唔系弱。我可以点样行，一路谂，一路改。”不过她称暂时未有联络旧将帮手：“我想谂清楚自己想做咩先，有啲节目可以再向前，招揽更多新人都唔定。”

余咏珊否认入主有线：“唔会、唔会、唔会！我同老公年纪都大，我同佢都觉得想全力做帮到香港慨嘢。冇任何行政工作。”

她又说不是要对撼TVB：“我唔会咁谂，我觉得做好自己紧要啲，如果再唔努力，香港观众夜晚净系睇 NETFLIX同迪士尼，咁香港都好惨，大家一齐努力，保住香港呢个地方。”之前有传乐易玲想合作，余咏珊最希望可以成事：“暂时未有揾我，但我哋真系好熟，如果佢哋愿意合作真系求之不得啦。”

TVB音乐节目《劲歌金曲》大缩水，在翡翠台只剩5分钟，余咏珊就帮前东家解围：“究竟要收视定系保护音乐，我以前都遇到呢个问题，我都唔知点算。”