對視帝冇興趣？胡鴻鈞想變性挑戰視後寶座

TVB台慶劇《十月初五的月光》的一眾演員胡鴻鈞（Hubert）、何依婷、羅天宇、蔚雨芯、石修、米雪等，今日（9日）為答謝街坊支持，再親臨拍攝場地流浮山舉行造勢活動，席間齊齊炮製當地名產金蚝菜式，同時又進行開生蚝比賽，參賽者之一的羅天宇雖然是「處男」開蚝，但手法純熟，被米雪取笑：「肯定約慣女仔去食蚝！」

而一直站於後方的Hubert就全程動口不動手，更笑埋羅天宇一份：「佢開蚝好有經驗㗎！離開佢哋系最大嘅協助。」

活動後Hubert受訪，先講到他昨日（8日）當叱吒記招一完便「閃人」，問是否拒絕跟傳反目的「同性密友」許廷鏗受訪？他解釋沒有躲避任何事：「我哋有影大合照㗎！的而且確我系趕住拍MV，都拍到今朝凌晨5點，我哋冇嘢要避，喺後台都有打招呼。（有冇傾偈？）當時時間好緊迫，冇特別傾。（下次可以合照？）點解唔可以？尋日都有影大合照。（中間隔10個人喎。）下次我叫其他人行開！」

再提到他影大合照時經常望向對方方向，Hubert笑住解釋其實只是望住遠處呼喚他的Fans，問到二人是否好耐冇見？他承認是，因為各有各忙：「佢最近又自立咗間公司，要好多時間去準備好多嘢，我呢邊全年拍劇、拍電影，依家又要準備演唱會、出碟，我部電話成日被轟炸，朋友啲飯局一唔系去唔到、一唔系就放飛機，見你哋（記者）時間仲多！」

《十》劇即將播出，問到身為男主角的他會否緊張收視？他坦言平常心，自己好Enjoy拍攝過程，希望出到來效果不會失禮當年經典：「相信最有壓力系監製，演員做好本分同埋宣傳都冇乜太大壓力。」

談及他去年奪得勁歌金曲「最受歡迎男歌星」，笑問今年是否想拎視帝？Hubert抵死笑話想「變性」：「視後得唔得？絕對冇諗呢啲，個角色大家鍾意已經系最大Bonus。（驚唔驚播出被比較？）實有人會咁做，希望系良性比較，將呢部經典再升華。」

另外，講到他帶住師妹炎明熹合作新歌《愛是帶種缺陷的美》闖樂壇， Hubert即謙稱：「唔好話帶住，可以同佢合唱好開心，覺得佢好聰明、勤力、唱歌好聽，依家先16歲咋，26歲仲得了？」

一洗「女神收割機」污名何依婷證羅天宇冇撩女

藝人羅天宇及何依婷因拍攝TVB台慶劇《十月初五的月光》而傳出緋聞，今日（9日）首次於公開活動上碰頭，更大方一同受訪，男方說再見何依婷全不尷尬，但知道緋聞傳出後對方有少許不開心，女方解釋：「因為我哋真系做嘢，亦都好專業，真系冇做過任何嘢，覺得被屈好冤枉！但好彩我系金魚記憶，3秒之後就唔記得。」

她續大讚對方其實是「好仔」，並非外畀所稱的「女神收割機」：「佢系一個友善嘅人，好多人都可以做到好朋友，但佢唔花心、唔會周圍溝女、撩女仔、口花花，真系唔系。」

羅天宇聞言即感動多謝何依婷讚賞，又自責謂：「我都唔好意思，好似累咗佢咁！其實都有少少影響自己心情，當時拍緊劇，有逼自己Focus番。（擔心影響你聲譽？）冇呀！都系咁，哈哈！身邊有朋友問過，我話『下！咁都信？』，張相話我哋拖手，但我對手明明喺上面冇拖，只系借題發揮。」之後或真有機會發展？他坦言：「冇向呢個方向諗，依家都系專心做嘢先！」

講回新劇《十》即將播出，他們均說好期待，其中何依婷首次孭飛台慶劇，問到會否大壓力？

她表示沒有多想，拍攝期間完全專注劇本：「系咪台慶劇都唔由我控制，好彩成為台慶劇都系多得台前幕後嘅努力。」

羅天宇贊對方雖然首次演重角，但都發揮得淋漓盡致：「唔似我之前做男一咁緊張，佢控制情緒自如，出到嚟效果更好，喊功又勁，真系可以10秒就喊到出嚟，呢方面我都要向佢請教！」

何依婷謙稱只是代入感重才可猶如「水喉」般喪喊，再講到網民贊她於熱播劇《星空下的仁醫》中表現亮眼，她謂獲稱讚進步好開心，每次為演好角色，都會花時間研究劇本。