对视帝没有兴趣？胡鸿钧想转性挑战视后宝座

2021-11-10 于晏 16009

对视帝冇兴趣？胡鸿钧想变性挑战视后宝座

TVB台庆剧《十月初五的月光》的一众演员胡鸿钧（Hubert）、何依婷、罗天宇、蔚雨芯、石修、米雪等，今日（9日）为答谢街坊支持，再亲临拍摄场地流浮山举行造势活动，席间齐齐炮制当地名产金蚝菜式，同时又进行开生蚝比赛，参赛者之一的罗天宇虽然是“处男”开蚝，但手法纯熟，被米雪取笑：“肯定约惯女仔去食蚝！”

而一直站于后方的Hubert就全程动口不动手，更笑埋罗天宇一份：“佢开蚝好有经验㗎！离开佢哋系最大慨协助。”

活动后Hubert受访，先讲到他昨日（8日）当叱咤记招一完便“闪人”，问是否拒绝跟传反目的“同性密友”许廷铿受访？他解释没有躲避任何事：“我哋有影大合照㗎！的而且确我系赶住拍MV，都拍到今朝凌晨5点，我哋冇嘢要避，喺后台都有打招呼。（有冇倾偈？）当时时间好紧迫，冇特别倾。（下次可以合照？）点解唔可以？寻日都有影大合照。（中间隔10个人㖞。）下次我叫其他人行开！”

再提到他影大合照时经常望向对方方向，Hubert笑住解释其实只是望住远处呼唤他的Fans，问到二人是否好耐冇见？他承认是，因为各有各忙：“佢最近又自立咗间公司，要好多时间去准备好多嘢，我呢边全年拍剧、拍电影，依家又要准备演唱会、出碟，我部电话成日被轰炸，朋友啲饭局一唔系去唔到、一唔系就放飞机，见你哋（记者）时间仲多！”

《十》剧即将播出，问到身为男主角的他会否紧张收视？他坦言平常心，自己好Enjoy拍摄过程，希望出到来效果不会失礼当年经典：“相信最有压力系监制，演员做好本分同埋宣传都冇乜太大压力。”

谈及他去年夺得劲歌金曲“最受欢迎男歌星”，笑问今年是否想拎视帝？Hubert抵死笑话想“变性”：“视后得唔得？绝对冇谂呢啲，个角色大家钟意已经系最大Bonus。（惊唔惊播出被比较？）实有人会咁做，希望系良性比较，将呢部经典再升华。”

另外，讲到他带住师妹炎明熹合作新歌《爱是带种缺陷的美》闯乐坛， Hubert即谦称：“唔好话带住，可以同佢合唱好开心，觉得佢好聪明、勤力、唱歌好听，依家先16岁咋，26岁仲得了？”

一洗“女神收割机”污名何依婷证罗天宇冇撩女

艺人罗天宇及何依婷因拍摄TVB台庆剧《十月初五的月光》而传出绯闻，今日（9日）首次于公开活动上碰头，更大方一同受访，男方说再见何依婷全不尴尬，但知道绯闻传出后对方有少许不开心，女方解释：“因为我哋真系做嘢，亦都好专业，真系冇做过任何嘢，觉得被屈好冤枉！但好彩我系金鱼记忆，3秒之后就唔记得。”

她续大赞对方其实是“好仔”，并非外畀所称的“女神收割机”：“佢系一个友善慨人，好多人都可以做到好朋友，但佢唔花心、唔会周围沟女、撩女仔、口花花，真系唔系。”

罗天宇闻言即感动多谢何依婷赞赏，又自责谓：“我都唔好意思，好似累咗佢咁！其实都有少少影响自己心情，当时拍紧剧，有逼自己Focus番。（担心影响你声誉？）冇呀！都系咁，哈哈！身边有朋友问过，我话‘下！咁都信？’，张相话我哋拖手，但我对手明明喺上面冇拖，只系借题发挥。”之后或真有机会发展？他坦言：“冇向呢个方向谂，依家都系专心做嘢先！”