朱智賢含淚講「最軟弱的事」關謝東閔事？

藝人朱智賢去年因背男友謝東閔偷食人夫黎振燁，一度被TVB雪藏，幸獲男友謝東閔原諒，兼陪伴走出陰霾，早前終獲公司「解凍」復出，未知系咪有此經歷，令朱智賢更珍惜現有一切。

近日於方紹聰（奶仔）主持嘅節目《野外步出2》擔任嘉賓，二人到大嶼山鳳凰山取景，挑戰高級行山路線「鳳凰山虎吼石河」及「一線生機」，期間朱智賢憶起往事更當場灑淚。

節目中，奶仔希望佢分享一件「最軟弱的事」，朱智賢認為系養育17年嘅愛犬離世當日：「我喺車，我抱住佢嗰一刻，佢慘叫嗰時，我喊到癲咗！當時我系慌到不得了，佢一嗌我就癲咗……我知道佢聽唔到、睇唔到，我捉實佢只手，好想佢感受到我，因為我知道我作為佢嘅主人，我相信佢離開呢個世界最尾嗰一刻，要有佢最愛嘅主人陪喺佢身邊，我拖住佢只手，睇住醫生幫佢打針。」佢亦坦言好後悔當日自己去咗電影，令愛犬痛苦多兩小時。

佢將當日嘅相片放到社交網，並留言：「昨天看著螢幕里淚流滿面的自己，我在家裡看著電視也一樣哭了#imissyouSaSa #imissyouCharlie #大家一起活在當下吧 #生命無常」

文章來源：TVB資訊台 W博：@香港TVB資訊台

莊思明沉澱4日終於「上水」正面留言獲贊好女友

藝人楊明自去年發生不小心駕駛案後，女友莊思明一直陪伴在側，楊明喺上周五（5日）被判監18日及停牌2年，辯方律師申請保釋等候上訴獲批，莊思明喺庭上已哭成淚人，更直頭喺社交網消失。

去到尋日（9日）佢終於都「上水」，上載兩張單人相，並留言自勉，鼓勵大家要正面面對人生高低：「人的一生難免浮浮沉沉，順境逆境都是一時，也都是常態。凡事往好處想，你的心態決定你的命運！浮在上面不必驕傲，沉在下底不用悲觀！人生總在歷練中成長。」

大批網友即留言派心，唔少人都撐佢要加油，又大讚佢系好女友。

節目巡禮企頭排周嘉洛謙稱未敢上一線

藝人周嘉洛和丁子朗今日（9日）為《萬千星輝賀台慶》排練「手舞」，嘉洛表示細個學過跳舞，子朗就沒有舞蹈底子，子朗透露自己學跳1小時，嘉洛只需5分鐘，但嘉洛就贊子朗學嘢快，練習後好像有多年舞蹈經驗一樣。

嘉洛說：「第一次排舞，我因為工作遲咗1個鐘，但最終能夠完成曬成只舞，有啲舞步額外加咗畀子朗，佢好快就學識曬，學嘢速度幾咁快。」提到譚俊彥都表示向嘉洛請教舞技，嘉洛覺得前輩人好又叻，經常給予意見，毫無架子。

早前《TVB節目巡禮2022》嘉洛安排企頭排，凸顯一線小生位置，他說不知道一線的定義，覺得需要認可性，認為要做到成績先得，自謙暫時未有，希望將來可以做好一點才講一線。

至於嘉洛緋聞女友蘇韻姿都有份與其他女藝人排舞，嘉洛表示不知情，排練時沒有見過面，都懷念《愛．回家之開心速遞》時日日見，問到跟蘇韻姿是否變生疏？

他說：「同佢好耐冇傾偈，冇出嚟食飯見面，對上次見面系有位共同朋友生日，都有傾嚇偈。其實呢行系咁，一忙好多時冇咗朋友圈一段時間，忙完再夾時間見就會Friend番，友情系冇變過，只系相處時間了解程度會升升跌跌。（依家關係跌緊？）唔會形容系跌緊，只系少咗交流啫！交流番又喺度。」