餐單曝光︱操到「懷疑人生」爆肌張振朗挑機張家輝

張振朗拍《拳王》下了極大苦功，早前，《拳王》官方網站「拳王The Ringmaster 2021」發布了首條宣傳片，他苦練多時的爆肌造型終於曝光.

脹爆的胸肌配以零脂肪、線條靚絕的無敵朱古力肌，吸睛度爆燈！

而他的爆肌照片，令人想起2013年的《激戰》張家輝，網友驚嘆張振朗今次是否向張家輝挑機！

據知，振朗為了Build出靚肌確是下了不少苦功。早於劇集開拍前一年多，他已開始為操肌做準備，第一步是谷肥自己：「當時一日食五餐，主要都系牛扒同大量嘅飯，因為要先谷肥，增加脂肪同埋肌肉，咁樣操番弗嘅時候啲肌肉先至會更加有分量。」

「日食夜食」食足一年後，振朗成功「泵脹」自己，增重多達40磅之餘，更谷出驚人巨腩，他笑言：「增肥嗰陣咁啱有兩套劇出街，就系《使徒行者3》同《踩過界2》，當時好多人話我肥咗。」

接下來的半年，便是地獄式的操肌訓練以及超清淡健康餐單；由於吃白烚雞肉吃到「懷疑人生」，振朗聽從教練建議飲雞水：「因為每一日食嘅（雞肉）量要好多，飲雞水可以補充到足夠嘅蛋白質，又唔使好似食擦子膠咁，個過程幾有挑戰性，辛苦但系對自己身體了解多咗。」

觀乎製作組發布的宣傳照，振朗全身上下均弗至無懈可擊，就連背部線條亦操得相當完美，可見下了不少苦功。張振朗在劇中飾演為復仇去到好盡，性格正直熱血，黑白分明，堅毅不屈的海正藍，並會與黎耀祥以及朱敏瀚有大量對手戲。

而當年張家輝拍攝《激戰》前用9個月地獄式鍛鍊瘋狂塑身，一星期做足7日運動，每日平均做3至4個小時，當中包括跑步、舉啞鈴和打拳等。

飲食方面更為苛刻，起初戒鹽、油、糖、澱粉質，只吃白烚雞肉、魚。中段開始日吃2、30隻雞蛋白以增加體內蛋白質，去到拍攝前3日只吃白飯，靠澱粉質令肌肉膨脹起來。

去到最後階段便進行脫水，飲水只能嘴角輕輕沾下，目的是收出線條。

張振朗在今年年初已表示想《拳王》快些播出，當他知道此劇成為台慶劇後相當開心，劇中飾演拳手的他接受東網訪問時說：「因為擺咗好多心機落去，凈系身形上，都用咗一年時間去操，多謝監製陳耀全同一班編劇，因為個劇本好好，今次我亦遇到好多好對手，接到呢套劇好幸運。」

振朗今年入行剛剛十年，坦言希望有個新形象給大家：「呢個角色同以往嘅好唔同，系一個新挑戰，劇中角色自己非常鍾意，呢套劇真系唔容易，打拳戲系超級難演！」

振朗不諱言此劇是入行以來最辛苦的一部，拍到最後一日時，更忍不住喊了出來：「因為要keep住身形，角色好沉重，好艱難，但又好開心，因為突破咗一啲嘢。（有冇信心攞視帝？）隨緣啦！上年攞咗『我最喜愛電視男角色』已經好意外，觀眾鍾意個劇就心滿意足。（睇好黎耀祥再攞視帝？）我梗系撐祥哥啦！佢個角色好犀利，57歲都搞到個身形咁fit，好厲害，所以我都系會撐祥哥！」