锺嘉欣晒乐谱玩自弹自唱！李克勤为仔仔推内地Job回香港

锺嘉欣晒乐谱玩自弹自唱网友错重点喺手字度

艺人锺嘉欣去年特意返港拍摄TVB台庆剧《星空下的仁医》，虽然久未出产作品，但演技冇生疏之余，反而大跃进获网民睇好为今届视后大热！

文章来源：TVB资讯台 W博：@香港TVB资讯台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

嘉欣唔只演得仲好唱得，剧集主题曲《好好珍惜自己》都一手包办由佢负责，睇嚟佢今次下唔少苦功。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

今日（12号）歌曲MV终于上架，短短4小时已有约3,900次浏览。嘉欣连忙喺社交网宣传，除咗附送靓相之余，仲晒出《好》手写慨乐谱。唔少网民纷纷留言畀Like，表示好期待睇佢自弹自唱，亦有人错重点指嘉欣BB手字可爱得嚟好整洁，同本尊个人一样呀！

李克勤为仔仔推内地Job返香港：唔想两个仔唔认得我

歌手李克勤今日（11日）现身电视城为台庆彩排，届时将独挑大梁献唱经典金曲。刚从杭州返港两星期的他，透露因饭局不断，故已增磅3、4磅：“我离开香港4个月，好耐冇见朋友，预计11月有廿几个饭局，再加上太太生日，下个月就到我生日，所以要勤力啲做运动。”

问到可有恭喜老友曾志伟荣升TVB总经理？克勤笑指对方公务繁忙，暂未与对方叙旧。问到是次台庆演出，是否对方亲自邀请？他笑说：“唔系讲呢啲慨，佢咁位高权重，我同无线都有多年感情啦！”

对于早前于内地节目搞喊谭咏麟，他搞笑的说：“可能我啲普通话流利咗，其他都系讲番大家以前慨经历，由我系佢粉丝开始，之后成为好朋友，再到‘左麟右李’，中间发生咗好多事，可能我讲得好，感动到佢。”

而今次内地之行，克勤坦言收获丰富，问到是否猪笼入水？他笑说：“我唔计呢啲嘢，做咗一季《中国好声音2021》导师好有挑战性，好难得做完香港同类节目，再紧接喺内地做，心入面系有比较，从中我亦学到好多嘢。”

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

问到赚钱是否给太太卢淑仪再投资买楼？他说：“我唔计呢啲，都系为小朋友将来着想。（之后会继续返内地？）如果我唔系要返嚟，一路喺内地都有工作，但我系有屋企人，唔想两个仔唔认得我，所以每年去一次几个月，所以出年睇吓咩节目，睇吓有冇人再揾我。（今次返嚟啲仔有冇唔认得你？）星期六、日咪会理吓我啰！”