比選美時重20磅鄧佩儀企硬唔減：手臂同腰都粗咗

前華姐冠軍鄧佩儀近日返咗去加拿大慶生，日前佢就髮長文反擊網民話佢比選美時肥咗，又叫佢減肥，佢話見到呢啲留言好無奈：「我現在比選美時的我重20磅左右，手臂和腰都比那時候粗，但從來沒有想過要回到當時的磅數，因為以我的高度來說其實選美時的我過輕，是不健康的。所以我更喜歡現在的我，也沒有想過要回去那個磅數。」

佢亦謂其實「不同的身材」冇對與錯：「只要你開心健康，就是最好的身材。現在比較注重健康的我，是兩者中間平衡點的磅數。只要你健康，Comfortable in your own skin，那就是完美的身材。」

佢亦上載咗幾張自己唔同時期嘅相，見到2013年選美著泳衣嘅佢身形纖瘦、骨瘦如柴，雖然之後有段時間肥咗啲，但依家嘅佢身形勻稱，系最靚嘅時候！

一眾圈中好友同網民紛紛留言支持佢，叫佢唔使在意其他人嘅目光，贊佢無論系點都咁靚！

真女神轉身︱小背心加持高海寧風騷曬巨胸

最近天氣轉涼，咪神高海寧都換上秋冬裝，佢喺社交網短片大曬一身型格造型，見佢以弔帶小背心上陣襯上外套，佢高舉雙手感受涼風，再嚟一個華麗轉身，吹到頭髮都亂曬，佢再隨手梳理啲頭髮，成個過程自然唔造作！

喺緊身小背心加持下，高海寧大曬性感事業線，仲要一步一驚心，巨胸隨住佢步伐跟住晃動，十分養眼！

片段一出，網友紛紛畀Like，大讚佢系真女神，留言：「好索呀！」、「身材都系咁正！」、「這麼多年一直喜歡你！」

文章來源：TVB資訊台 W博：@香港TVB資訊台

謝嘉怡廣東話進步神速自爆唔識交電費住唔慣大廈

上屆港姐冠軍謝嘉怡（Lisa）樣子甜美、性格爽朗，自參選以來一直大受歡迎，早前更加入處境劇《愛．回家之開心速遞》飾演「呂冠軍」一角，令其人氣再次急升。

從小於蘇格蘭長大嘅Lisa中文唔叻，為幕前演出苦練廣東話，經過一年時間，明顯比以往大有進步。

最近Lisa開設影片頻道，踩過界做半個KOL，分享自己與家人嘅點滴。其中一段佢同爸爸全程以廣東話拍片，講到蘇格蘭同香港嘅差異，因為唔習慣住高樓大廈，現時一家居住喺村屋，坦言冇花園、冇陽台覺得好辛苦。

雖然香港地較逼狹，但佢直言最鍾意香港生活節奏快，環境夠方便，透露以前喺蘇格蘭，去最近嘅快餐店都需要揸車25分鐘先到：「我哋一個鐘有一架巴士！」又直言喺香港短短一年獲益良多，見識唔少新事物。

佢仲自爆最初來港時唔識交電費：「我未試過咁樣畀電費，因為英國銀行會自動扣電費，但呢度真系要畀，我唔識自己做，所以好多嘢要我表姐教我做。」並自嘲似BB狗：「你放佢出去，冇人睇住，佢咩都要自己做。