羅子溢（前名羅仲謙）與太太楊茜堯（前名楊怡）婚後育有一女羅翊心（小珍珠），B女現在已經一歲半，楊茜堯專心照顧家庭，鮮有幕前演出。羅子溢希望為妻女及家人帶來幸福，婚後的他變得慳家，亦減少物質追求，「買車買衫都按實際需要，反而會買名牌給女兒，又想她讀名校」。

有女萬事足的他，亦甘願為養家犧牲家庭時光，計劃明年北上搵銀，跟太太下決定時經過很大掙扎，他說：「其實我都很矛盾，驚回來時父女感情變薄弱，但沒辦法，早開始好過遲開始。」至於太太是否打算退居幕後專心相夫教子？羅子溢笑稱：「好現實，條件吸引，她都可以犠牲少少親子時間，幸好屋企人多，趁女兒懂事返學前，做得幾多得幾多，幫女兒鋪排教育，每年花費都要6位數。」

夫妻二人分隔兩地，羅子溢向太太派定心丸，他認為彼此互相信任，是維繫夫妻感情的重點，「很多朋友提醒我要小心檢點操行，始終已經有個女，我都不想令個女失望」。他自爆拍親熱戲會先問准老婆：「等於我不想她拍親熱戲，她都一定不想，幸好她另一身分是演員，會睇角色需要、故事性質，大家互相尊重，不要先斬後奏。」

談到造人大計，羅子溢承認跟太太正努力生育計劃，希望為小珍珠添個伴，目標生兩個便收爐，仔或女也沒所謂，他自嘲：「生仔似我就慘啦！我有幾何回家，講起就慚愧，生仔仲要驚不成才，生女多個仔，生個靚女嫁個好人家就滿足！」

至於他在台慶劇《星空下的仁醫》飾演一位患精神病症的兒科醫生，演技發揮大，但羅子溢自覺爭視帝機會低，只抱隨緣心態，寧願要獎金不要獎品，「上台攞獎那刻很威、很開心，但年年都有不同人攞獎！你問我想不想要？要，但比較之下，我希望擁有實質和恆久的感覺，我想拍多幾部劇，做多些工作，掙錢留給家人，跟太太和女兒去旅行、影相，留很多開心回憶」。

羅子溢呻阿女百厭寧願返工唔湊女

藝人羅子溢今日（16日）出席TVB台慶劇《星空下的仁醫》結局篇宣傳活動。談到戲內角色濫藥違反操守，今晚劇情更交代他有遭除牌的可能，子溢笑言：「呢個角色系我從來冇演過嘅，系次好大嘅挑戰，但可以話畀大家聽happy ending。（同現實生活中嘅你一樣，事業愛情兩得意？）我覺得現實生活比劇情更加美滿，簡直系父慈女孝！」

談到愛女小珍珠已經歲半大，子溢苦笑：「佢好百厭呀，表情古靈精怪又唔肯食嘢，啲頑皮嘢學曬我。湊住佢真系好攰，我寧願返工好啲，辛苦太太。（報名返學未？）搞咗，報咗兩間，兩間都OK，仲要繫心儀之選。」

子溢一再表示從來無避孕，不過「追多個」則要睇天安排：「真系要請多個姐姐幫手，即使唔系再有咗，都唔想太太同外母咁辛苦，話曬外母年紀開始大，不過依家請工人好難，我每個星期一朝早起身撳電腦，訂姐姐隔離酒店，但冇次成功，我冇超級電腦，唔夠人快！」

談到明年他會到內地全力發展，記者打趣催促他「把握時間」造人，子溢笑言：「最緊要成功撳到電腦先，或者兩樣同步做都得。」