張秀文閃嫁金融才俊愛的Magic融化咪神
34DTVB咪神張秀文封盤!現年34歲的前港姐張秀文樣靚身材正,憑34D飛彈上圍獲封TVB咪神,感情上本著寧缺勿濫的宗旨的她,一直不乏裙下之臣,在左挑右選下,再加上「金牌媒人」林盛斌(Bob)出招介紹筍盤,力薦「皮草太子爺」王大業的堂弟、現年30多歲的金融才俊王大權(Billy)下,終於覓得有情人。
秀文和Billy志趣相投,一拍即合,拍拖初期曾孖咇甜蜜現身馬場,不過為保愛苗,秀文之後鮮有再以情侶檔公開亮相,平日拍拖只局限於屋企睇電影。
兩口子已拍拖一年多,隨著二人戀愛升溫,早認定對方為終身對象,Billy曾先後多次向秀文求婚,但事業心重的她均統統婉拒,不過有見身邊朋友陸續結婚生仔,已達「盛女」之齡的她也不斷反思,蠢蠢欲動想加入人妻行列,加上難得遇上真命天子,見對方從未靠父干,踏踏實實做生意,憑自己雙手打出天下,令秀文十分欣賞,故當Billy再次出擊求婚時,她終於答應!
Billy乃家中長子,將成為豪門新抱的秀文,未有傳宗接代的壓力,因Billy還有弟弟及妹妹,而長輩們早已向一對新人開綠燈,表態生B一事順其自然。
另外,一對新人本計劃到外地旅行結婚,但疫情關係未能成行,故決定待明年疫情再度緩和才擺喜酒,而日前他們已秘密拍攝一輯充滿電影感的Pre-Wedding婚照,當中既有準新娘躺在床上騷美腿照,亦有她與Billy情深對望照片。
秀文接受東網訪問時承認婚事,但否認雙喜臨門,表示與Billy一直相處得很舒服,更爆對方一年前曾向她求婚,令其大感意外,直至近日他再重施故技,不過卻顯盡心思,結果被他的誠意打動。
秀文說:「佢唔識講花巧嘢,又唔識浪漫,但當日喺佢屋企布置得好靚,又擺曬氣球,事前仲搵埋甄澤權教佢玩魔術,喺我面前變咗支玫瑰花出嚟,跟住拎只戒指半跪求婚,搞咁多嘢好有誠意,當刻我冇心理準備,但感動到眼濕濕。」
與TVB剛續了兩年合約的秀文,表示仍熱愛演藝工作,故暫不會息影,未來老公亦未有施壓,貴為「咪神」的她被問到成為人妻後會否封胸?她笑說:「我已經轉型咗好耐,近期都冇行性感,總之睇場合,晚裝件件都咁性感,咁我阿媽生我身材系咁都冇計。」
談到Bob成功為她搵到Mr.Right,她說:「佢依家好囂張,不過真系多謝佢,有諗過送一份大禮,就系包佢一家人去旅行,但都要等過咗疫情,通番關先送得出。」
張秀文嫁得金龜婿靠Bob一句說話改變一生
34DTVB咪神張秀文認嫁「皮草太子爺」王大業的堂弟、現年30多歲的金融才俊王大權(Billy),有情人終成眷屬,即獲全城祝福。促成今次美事嘅「金牌媒人」林盛斌(Bob),自然就有好回報,張秀文已經講明會包佢一家人去旅行!咁到底Bob系點樣幫手撮合二人呢?
張秀文今日(17日)就喺社交網上載二人婚照,續發文指自己喺去年情人節當日,忽然收到Bob訊息嗌佢出去見朋友,講到明有一位男士系專登要介紹畀佢嘅,惟當時已經系晚上9點幾,加上張秀文未化妝、梳頭,本身佢就想推咗佢,自己繼續喺屋企上網睇片,點知Bob就同佢講:「睇片唔會改變你一生,你今晚肯出嚟就會改變你一生!」
點知依家王大權已成為自己未婚夫,唔怪得張秀文興奮到大嗌佢系「餘生的另一半」啦,睇嚟佢真系要好好多謝呢位「金牌媒人」喇!