拳王｜譚俊彥為一張照片激減二十多磅面容憔悴令太太好擔心

譚俊彥（Shaun）今日（17/11）張振朗現身深水埗出席TVB劇集《拳王》宣傳造勢活動。譚俊彥透露在劇中只是客串形式出現，但卻為了一張照片要激減二十多磅，過程相當辛酸。

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他說：「點解要影呢張相，係因為要預先畀張振朗用嚟做戲，係因為喺戲裡面我係佢哥哥，咁所以佢永遠都會攞住佢哥哥張相去打拳，咁所以呢張相真係好重要。」

Shaun續說：「其實瘦身嗰段時間我係拍緊《換命真相》，但當時係唔敢同人講，而我太太同身邊啲朋友見我開始變瘦，佢哋都好擔心，有問我點解唔食嘢。而我自己就要求個脂肪量係要跌到4%，基本上個人係好憔悴，仲要喺影嗰張相之前一日，要進行脫水，過程相當辛苦。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

拳王｜張振朗爆肌身材勁吸睛姚子羚藉機抽水摸腹肌：都幾爽㗎！

姚子羚今日（17/11）現身深水埗出席TVB劇集《拳王》宣傳造勢活動。提到在劇中難得與眾肌肉型男拳手張振朗、朱敏瀚和黃子恆等人合作大飽眼福。

子羚笑言：「其實開頭見到佢哋感覺真係幾爽㗎，係因為可以見到唔同類型嘅肌肉男，而張振朗佢喺一年前已經開始鍛練，咁朱敏瀚之前一路都係保持住呢個咁Fit嘅身形，加埋黎耀祥同佢哋成日喺我面前赤裸上身周圍走，我都忍唔住藉機抽水，去輕薄阿張振朗，摸嚇個啲朱古力腹肌。」

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

拳王｜張振朗爆肌遭向柏榮踩台 練大隻有苦衷：呢個角色挨打多

張振朗在TVB新劇《拳王》中飾演一名拳手，為了活演這個角色，他便花了一年時間谷肌增磅，成功練成筋肉人身形。不過預告片一出，即時引起網上很大迴響。

有網民留言直指「操肌只會減慢速度，操到咁反而冇乜說服力」，而為林作訓練在擂台對戰鍾培生的星級教練向柏榮，亦有在討論區留言指「拍打戲最緊要打得好睇」，網民隨即回應向師傅「你嗰啲叫專業，佢嗰啲叫交作業」，而林作亦藉機抽水加入戰團，引髮網民繼續對張振朗踩台。

今日（17/11）張振朗現身深水埗出席TVB劇集《拳王》宣傳造勢活動，就上述事件接受《香港01》訪問時回應：「其實我練到咁大隻，係因為呢個角色係挨打居多，講佢嘅抗打能力，最主要係附合返佢本身係做地盤，而我想畀觀眾睇到佢有少少嘅歷練，想話畀大家知呢個人會係點，純粹係想畀多啲觀感畀觀眾睇。同埋身形上只不過係想畀大家望嚇啫。」