TVB台庆｜汪明荃获颁50年金禧服务大奖

台庆︱汪明荃获颁50年金禧服务大奖

TVB节目《万千星辉贺台庆》在尾声时，TVB总经理曾志伟代表TVB，多谢每一位观众及台前幕后的同事，之后他宣布要颁发“TVB 50年金禧服务大奖”给今晚司仪之一的汪明荃，他说：“要代表TVB多谢一个人，呢个人系TVB慨宝，系我哋TVB慨灵魂，60年无间断服务，亦系我哋慨领军人物，佢就系汪阿姐！”最后由主席许涛亲自颁奖，阿姐坦言很惊喜，笑言奖座很重手：“好惊喜，多谢TVB畀我咁多机会，多谢观众畀我慨支持同鞭策。”

事后受访汪明荃奖不离手，她表示稍后会将它放在工作室，与其他奖项并列留念，变成“私人collection”。她形容今次颁奖安排令她大感意外及开心，谈到50年来最难忘的事，她坦言：“太多喇，好难讲，我哋都系向前望，唔会谂番转头。

（系咪觉得时间过得好快？）呢样系，可能娱乐界成日做慨嘢都唔同，例如我可以拍电视剧、唱吓粤曲咁，时间真系过得好快。（嚟紧仲有乜嘢好想试吓？）唔知呀，好似疫症期间，我哋都要谂去学番啲嘢，无时无刻提醒自己。”

当问到今年台庆是否“唔同咗”，阿姐承认：“我参加彩排，觉得大家都好似好想做好，好似叠罗汉唔系一个人慨事，系讲紧团体慨演出，扭螺丝咁缺少边个都唔得，大家好齐心，就系我哋呢个行业所需要慨，今年各方面都好好。”

她又指高层曾志伟目前正在整理内部问题：“好似艺员唔够人，好多人返咗内地发展，又或者去咗第二个台，所以先要稳定军心。依家董事局好明显话畀大家听，嚟紧路向会以新人为主。新人有心有力，见到佢哋系想做慨，唔hea，打开电视见到你个台有几多资产、人才，真系好重要。

（你几年前讲慨山头文化，系咪已经瓦解咗？）每个人上台都有佢自己慨班底，呢样好难避免，做起嘢上嚟得心应手啲，而我讲慨山头文化，系用人方面唔好用嚟用去都系嗰几个，机会要平均分，依家仲有好多（艺人）十几廿年都仲未有机会出头，唔好浪费人哋慨时间嘛。”

另外，TVB董事局主席兼执行董事许涛于昨晚台庆夜完骚后，向一众职艺员发言表示：“多谢你哋咁多位，今晚好多嘉宾、董事都讲咗叻哥（陈百祥）嗰句，就系‘TVB返咗嚟喇’，希望今晚之后系一个新慨开始，其实台庆已2年冇办，前年系录影、旧年系闭门唔请嘉宾，往后我哋会做得更加好。我代表管理层多谢你哋慨付出，继续为香港市民带来更多欢乐。”

汪明荃在TVB昨晚（19日）的《万千星辉贺台庆》在主席许涛手上接过50年金禧大奖，她在TVB艺员大合照后分享，看见一班新人出尽力付出觉得好感动，又寄语不要墨守成规，尝试每一个机会。

其后汪明荃接受访问，大赞台庆演出热闹，歌舞、趣剧环节多，充满人情味。得到50年金禧大奖，她指在TVB工作50年当自己屋企：“其实每十年会有一个牌奖励员工，或者大家都唔记得咗我之前有咁多个，唔同款好靓，我尽快摆上网俾大家睇下。”

汪明荃觉得TVB变化好大，多了新人加入，年轻人更有机会：“如果真系有理想，呢个系好机会，我哋友好台都捧好多新人，我哋TVB新方向都系鼓励新人，如果真系有理想入行，准备多啲系有大把机会。”阿姐暂时未有打算客串剧集，又讲笑：“我呢啲年纪都系教训人多。”她大赞新人在台庆表现好，记得周嘉洛演出，间中都会收睇《爱回家》。