台慶︱汪明荃獲頒50年金禧服務大獎

TVB節目《萬千星輝賀台慶》在尾聲時，TVB總經理曾志偉代表TVB，多謝每一位觀眾及台前幕後的同事，之後他宣布要頒發「TVB 50年金禧服務大獎」給今晚司儀之一的汪明荃，他說：「要代表TVB多謝一個人，呢個人系TVB嘅寶，系我哋TVB嘅靈魂，60年無間斷服務，亦系我哋嘅領軍人物，佢就系汪阿姐！」最後由主席許濤親自頒獎，阿姐坦言很驚喜，笑言獎座很重手：「好驚喜，多謝TVB畀我咁多機會，多謝觀眾畀我嘅支持同鞭策。」

事後受訪汪明荃獎不離手，她表示稍後會將它放在工作室，與其他獎項並列留念，變成「私人collection」。她形容今次頒獎安排令她大感意外及開心，談到50年來最難忘的事，她坦言：「太多喇，好難講，我哋都系向前望，唔會諗番轉頭。

（系咪覺得時間過得好快？）呢樣系，可能娛樂界成日做嘅嘢都唔同，例如我可以拍電視劇、唱嚇粵曲咁，時間真系過得好快。（嚟緊仲有乜嘢好想試嚇？）唔知呀，好似疫症期間，我哋都要諗去學番啲嘢，無時無刻提醒自己。」

當問到今年台慶是否「唔同咗」，阿姐承認：「我參加彩排，覺得大家都好似好想做好，好似疊羅漢唔系一個人嘅事，系講緊團體嘅演出，扭螺絲咁缺少邊個都唔得，大家好齊心，就系我哋呢個行業所需要嘅，今年各方面都好好。」

她又指高層曾志偉目前正在整理內部問題：「好似藝員唔夠人，好多人返咗內地發展，又或者去咗第二個台，所以先要穩定軍心。依家董事局好明顯話畀大家聽，嚟緊路向會以新人為主。新人有心有力，見到佢哋系想做嘅，唔hea，打開電視見到你個台有幾多資產、人才，真系好重要。

（你幾年前講嘅山頭文化，系咪已經瓦解咗？）每個人上台都有佢自己嘅班底，呢樣好難避免，做起嘢上嚟得心應手啲，而我講嘅山頭文化，系用人方面唔好用嚟用去都系嗰幾個，機會要平均分，依家仲有好多（藝人）十幾廿年都仲未有機會出頭，唔好浪費人哋嘅時間嘛。」

另外，TVB董事局主席兼執行董事許濤於昨晚台慶夜完騷後，向一眾職藝員發言表示：「多謝你哋咁多位，今晚好多嘉賓、董事都講咗叻哥（陳百祥）嗰句，就系『TVB返咗嚟喇』，希望今晚之後系一個新嘅開始，其實台慶已2年冇辦，前年系錄影、舊年系閉門唔請嘉賓，往後我哋會做得更加好。我代表管理層多謝你哋嘅付出，繼續為香港市民帶來更多歡樂。」

汪明荃在TVB昨晚（19日）的《萬千星輝賀台慶》在主席許濤手上接過50年金禧大獎，她在TVB藝員大合照後分享，看見一班新人出盡力付出覺得好感動，又寄語不要墨守成規，嘗試每一個機會。

其後汪明荃接受訪問，大讚台慶演出熱鬧，歌舞、趣劇環節多，充滿人情味。得到50年金禧大獎，她指在TVB工作50年當自己屋企：「其實每十年會有一個牌獎勵員工，或者大家都唔記得咗我之前有咁多個，唔同款好靚，我儘快擺上網俾大家睇下。」

汪明荃覺得TVB變化好大，多了新人加入，年輕人更有機會：「如果真係有理想，呢個係好機會，我哋友好台都捧好多新人，我哋TVB新方向都係鼓勵新人，如果真係有理想入行，準備多啲係有大把機會。」阿姐暫時未有打算客串劇集，又講笑：「我呢啲年紀都係教訓人多。」她大讚新人在台慶表現好，記得周嘉洛演出，間中都會收睇《愛回家》。