張振朗對拎視帝勁冇信心 現場獲高層曾勵珍打氣

近年備受TVB力捧的小生張振朗，在不少劇集已成為男一，像最近熱播的劇集《拳王》便是男主角之一。今天（25日）振朗出席《萬千星輝賀台慶》祝捷會 暨 《萬千星輝頒獎典禮 2021》 公布提名名單記者會，他被提名「最受歡迎男角色」和「最佳男主角」兩個大獎。

振朗接受訪問時說：「我不嬲都好隨緣，主要我套劇都係播咗幾日，最主要都係觀眾鍾意，其實自己想都冇用。」

不過談到在記者會台上振朗對自己能否得獎並沒有太大信心，台下的助理總經理(戲劇製作)曾勵珍（珍姐）大呼叫振朗給點信心自己，振朗笑言：「佢覺得我要畀個信心自己拉票，咁冇呀，做就盡做咗。」

振朗與譚俊彥因拍攝劇集《包青天》結緣，之後關係一直保持很良好，連拍攝《拳王》，譚俊彥在接受傳媒訪問是因為想幫振朗才去客串，但劇中只是客串也減掉了26磅只拍一幕擂台戲，在第一集角色做死掉，同時被觀眾大讚專業。

有不少網友也看好譚俊彥成今年視帝，振朗的視帝之路最大競爭對手分分鐘也是他，振朗直言：「我從來同佢冇爭，由拍《包青天》到依家，我哋關係都非常之好，佢好錫我，看當佢大哥，完全冇爭。」

今年台慶頒獎禮於1月2日隆重舉行，今日率先公布16個獎項首輪提名名單，獲提名的單位則多達574個。「最佳男主角」一如以往競爭激烈，馬國明、張振朗、譚俊彥、陳豪、楊明、馬德鍾齊齊「起雙飛」皆有兩劇提名，黎耀祥、鄭嘉穎、王浩信等視帝級則各憑一劇入圍，胡鴻鈞與羅天宇則憑台慶劇《十月初五的月光》入圍越級挑戰「視帝」。

「最佳女主角」提名形勢則陷入混戰局面，李佳芯、黃智雯、林夏薇、姚子羚、王君馨、湯洛雯、王敏奕各憑兩部劇提名，齊齊起雙飛；鍾嘉欣、周家怡、岑麗香、惠英紅等則各憑一劇提名入圍；而鄧佩儀與何依婷則憑台慶劇獲得初次挑戰視後的機會。

張振朗與譚俊彥在台上揭曉「最佳男主角」提名名單，張振朗被問到睇好誰奪「視帝」，他則尷尷尬尬地表示都應該要揀自己，亦坦言希望攞獎，在台下的無綫高層曾勵珍則鼓勵說：「畀啲信心自己。」獲珍姐加持的振朗，攞獎機會似乎有所增加。

張振朗講到獲珍姐加持可會增加信心？譚俊彥插嘴說：「珍姐都叫你有信心啲，爆佢一個小秘密，佢一緊張就食糖。」張振朗則笑說：「都系冇信心，自己系一個好冇信心嘅人，珍姐咁講都系想比信心我啫。《拳王》依家只系播咗兩日，自己嗰部分已經做好，要睇大家鍾唔鍾意。」

譚俊彥直言今年候選「視帝」心情相當緊張，他笑說：「因為明年冇乜劇出街，今年除咗拍劇，亦都做好多綜藝節目，自己嘅目標系希望入到最後五強，自己坐咗五年都未試過入五強，希望今年宣布獎項個鏡頭有我，都會練習定拍手掌，希望一步一步嚟。」他又稱視帝對手相當多，好似黎耀祥、陳展鵬、鄭嘉穎、馬國明也表現相當出色。

講到視後，譚俊彥則看好黃智雯，大讚她今年相當努力，兩劇的演繹也不同，在台慶的表演更相當辛苦，多年來為公司付出很多。張振朗則睇好鍾嘉欣，大讚她靚女，演戲又好。