湯洛雯唔排除主動向馬國明求婚正值事業衝刺期生仔先諗結婚

湯洛雯（靚湯）與馬國明自去年6月公開認愛後，不時在社交平台甜蜜放閃，兩人感情穩定，更頻頻被催婚。

近日忙於拍攝TVB新劇《隱門》的靚湯，昨晚（26日）與馬明拍拖去睇胡鴻鈞演唱會，爭取時間相處。不過今日（27日）靚湯出席活動時就直言覺得情侶無須日日見面，還有好多方法可以維繫感情，最重要的是互相了解，更大讚男友好有交帶！

其實靚湯與馬明一早已經表明是以結婚為前提交往，兩人拍拖一年幾以來不時以情侶檔出席活動，更有傳馬明已經訂製好婚戒，計劃在明年向靚湯求婚。

雖然其後他否認傳聞，但外界依然十分關心他們的婚期。對此，靚湯就笑言今年不會結婚，但亦直認雙方都朝著這個方向行。

她更自言不介意主動求婚，不過現時會專注發展事業及儲錢，直至想生小朋友先會考慮結婚。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

朱晨麗一整年冇劇拍唔覺被冷待：都知道觀眾好掛住電視螢幕前嘅我

朱晨麗周六（27日）出席慈善基金晚宴，提起日前見證陳煒被求婚，朱朱直言在醫生陳國強求婚前5分鐘她才把握事態：「原本純粹以為去食個生日飯，加上佢哋驚我洩漏風聲，所以將呢個秘密保守得非常好，發生前姐夫先講我知，我已經制止佢即刻想喊，我一喊就會穿煲，做戲都冇咁做！我喊到朋友話好似我結婚咁，但我真係好戥佢開心，拍拖介紹畀我哋識嗰陣已經覺得佢哋好登對，已經嗌佢姐夫。」

朱朱表示已預定伴娘位置：「唔要我點得？（封定大利是？）禮物唔可以講。」

至於被不少網民催婚，她就表示隨緣：「忙完工作先，緣份到就會有求婚個人出現，唔急嘅。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

對於有觀眾指已有近一年未能在電視螢幕看到朱朱演出之劇集，她回應指：「公司安排緊㗎喇，唔係係咪檔期要讓畀出面（指電影公司），所以中間就空咗一段時間，但其實我都有做公司其他嘢，公司唔係得劇、都有綜藝，所以大家唔可以單睇一個部分。都知道觀眾好掛住電視螢幕前嘅我，如果啱期、公司又可以分配畀我就一定做。

（有唔開心？）唔會！我都有做港姐、導師等唔同任務，都幾滿足，（收入有影響？）唔會啦，唔會啦。」