張振朗入行10年不心急贏視帝 與朱敏瀚日夜相對不覺悶

張振朗、朱敏瀚、蔡潔等今日出席新劇《拳王》宣傳活動，順道為台慶頒獎禮中的26項提名拉票。張振朗希望《拳王》能奪「最佳劇集獎」，他雖然被朱敏瀚睇好贏「最佳男主角」，卻自言入行10年不心急封帝︰「監製賜了這個特別的角色給我，跟從前的演出有很大分別，希望觀眾喜歡，得獎只是其次。」

張振朗、朱敏瀚已多次合作，朱敏瀚笑言︰「我們為這套劇操練和拍攝，這1年半以來日對夜對也不覺厭，蔡潔很難夾在我們中間。」

張振朗說他們今日一身黑色打扮似穿情侶裝，回憶拍攝12場打擂台戲時，每日獲朱敏瀚開車送返工，兩人現在更住樓上樓下變成鄰居。被問到可怕女友呷醋時，張振朗說︰「不會呷醋，我們是正經男仔，玩健康活動，一齊健身、睇劇本、分享心理書籍，但不會到對方家中留宿。開心能與朋友有共同興趣，一齊為事業向前。」

蔡潔在劇中跟張振朗、朱敏瀚有段三角關係，她笑言兩人太老友，要插足在他們之間有難度。提到被提名角逐「最佳女配角」、「最受歡迎電視女角色」及「最受歡迎電視拍檔」。

蔡潔坦言對個人獎項沒信心︰「頒獎禮當日是我生日，可以扮靚去行紅地氈，跟大家切個餅已很開心。希望同劇的兄弟姊妹得獎，我睇好振朗、黎耀祥和姚子羚，但私心想振朗當視帝，他很努力，半夜收工仍去健身。」

蔡潔第一次拍TVB劇獲三項提名

藝人蔡潔今日（28日）出席TVB劇集《拳王》宣傳活動，她透露在劇中跟朱敏瀚及張振朗有段離奇感情線，她笑言：「泰拳入面有個術語系格食格，我哋3個嘅關係就系咁，戲內講我哋嘅感情好深厚，戲外佢哋好老友好相愛，我系第一次拍無線劇，要插足佢哋有難度，不過佢哋好好，好肯同我溝通又帶我去熟悉環境。」

蔡潔憑此劇有份提名台慶頒獎禮的最佳女配角、最受歡迎電視女角色及最受歡迎電視拍檔，問到有否信心獲獎時？她坦言對最佳劇集有信心，但對自己沒有信心，她說：「我第一次參與無綫劇，有得提名已經好開心。」

她的生日撞正頒獎禮，若能獲獎豈非最佳生日禮物，她笑謂：「我會著得靚靚去紅地氈，同大家切個餅就好開心，最想劇集同其他兄弟姊妹獲獎。（睇好邊個？）睇好張振朗、黎耀祥同姚子羚，不過我私心想振朗攞獎，因為佢好努力。

我聽佢講佢拍完上一套劇收到消息有可能拍呢套，佢提早年幾去操肌，好有誠意，為咗保持身材，佢哋拍到半夜收工仲要去健身，真系好癲，被佢呢個精神打動，所以睇好佢攞視帝！」

振朗坦言今日到場才發現跟對方不約而同穿了全黑上陣，笑謂是沒有夾定的情侶裝，並大爆親密關係。

朱敏瀚續指2人還會一齊滑水，不過他們強調只是好朋友好兄弟，不會到對方家中過宿，振朗說：「有個朋友同有共同嗜好，大家事業一齊向前系好開心。」