一星期操足五日差啲嘔林峯自爆畀人輪流打

久未在港露面的藝人林峯及任賢齊今日（30日）到屏山為新戲開鏡，小齊表示首次與對方合作，大讚對方很努力，為打戲不停操練，一星期操足5日：「以前見佢形象系風流倜儻，今次就系鋼條身形。」

文章來源：TVB資訊台 W博：@香港TVB資訊台

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

問到可會騷肌？林峯指不刻意，又透露今次是大挑戰，會打到飛起：「畀小齊、古天樂輪流打，基本上每個角色都會打我，今次有拳腳打、撞車、跳樓，飛天遁地。」

他指為拍攝事前訓練了個幾月：「未試過能量咁高嘅訓練，第一日練3個鐘，仲練到差啲嘔。（練到有冇受傷？）少不免，每日都會揩花，但值得。（有冇買保險？）少少，但大家辛苦都值得。」小齊即笑言幸好沒有太多打戲。

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

兩人又謂電影是80年代的造型，故他們都戴帽以免新髮型曝光，林峯亦特地曬黑配合角色。講到電影拍到新年後，豈不是未能與家人度過？小齊表示是演員的付出，林峯提起囡囡即冧爆指每日都要視像見面：「依家個女歲幾，掛住老婆又掛住小朋友。

（個女咁耐冇見你唔認得你？）唔會，一見到我就叫爸爸，冧到幾辛苦都冇所謂。（唔叫老婆同個女嚟香港？）始終疫情要隔離，同埋小朋友搭飛機都有風險。」

少同譚詠麟聯絡洪金寶勞氣：網上好多嘢唔信得

影帝古天樂、洪金寶今日（30日）到屏山為新戲開鏡拜神，古仔透露新戲打得甘，又連續打足5日。而洪金寶亦有打戲，問到可會吃力？

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii

他坦言：「有少少吃力。（點打動？）畀錢我咪得。」古仔亦謂今次好多年青人特地為打戲訓練，大家都親身上陣：「除咗有啲高難度動作搵替身，我入面啲動作好似旋風咁快。（難到你？）ok啦，因為都有少少武打拍攝經驗。」

今次電影亦特地搭80年代的九龍城寨景，古仔開心說：「入面全部啲雜誌、電視都系80年代，系我細細個睇嘅電視，幾懷舊、開心。」

問到洪金寶可有與近日捲入桃色風波的好友譚詠麟聯絡？他說：「少啲，因為我啱啱喺上海返嚟。（知道佢新聞？） 少少啦。」

問到信不信？他愈講愈中氣十足：「我唔知呀，網上好多嘢唔信得，好多人話我1949年出世，又用另外一個女人嘅相話系我前妻，又話我會老，咁唔通講嗰個人就唔會老咩？因為佢好快就會『釘』，所以咪唔會老。」